الغموض والرسائل الضمنية والشكل والبروتوكول كلها حاجات مهمة عند النظام الجديد، وفى خلال الايام المعدودة اللى فاتت وجه النظام عدة رسائل فقط لمن يهمه الأمر!!
 |
| عبدالفتاح السيسي |
1 # زيارة السيسي لروسيا والظهور بجاكيت عليه النجمة الحمراء اللى بتعبر عن الشيوعية او التوجه الاشتراكى ودى كانت اول رسالة موجهة لأمريكا وحلف الناتو وكان مفادها ان موقف امريكا والناتو منه هيخليه يتوجه ناحية النفوذ الروسي اللى بدأ بالفعل بالتدخل فى الشرق الأوسط.
2 # قبل تنصيب السيسي بيوم عدلى منصور أصدر قرار بفرض ضرائب على البورصة ودى كانت تجربة مش اكتر ولا اقل مفادها ان رجال الأعمال هما اللى هيدفعوا ضريبة اختيارهم.
3 # الخطوة العسكرية للسيسي ودى معناها انه مش رئيس مدنى ده ابن المؤسسة العسكرية وبيمثلها فى رئاسة الجمهورية.
4 # عدم توجيه دعوة لكل من " أحمد شفيق ، مراد موافى "فى مراسم التنصيب ده ليه دلاله واضحة انه مش محتاج الفلول فى حاجة بعد كده يعنى بالنسبة للمطبلاتيه شكرا كده.
5 # عدم توجيه دعوة لحمدين صباحى أو لأى صوت معارض رسالة مفادها لا مكان للمعارضة.
6 # دعوة هالة شكرالله رئيس حزب الدستور رسالة للشباب فأى انسان عاقل عاوز يبنى دولة او يبنى حكم حتى لازم الشباب اللى يساعده فهو معشم فى شباب الحزب أو اى شباب مستعدين يساعدوا.
7 # الحكم على علاء عبدالفتاح ب 15 سنة غيابى فى قضية "تظاهر"، رسالة من النظام مفادها ان عقوبة التظاهر قد تساوى عقوبة القتل فى الوقت الحالى فى نظرهم.
8 # الافراج عن الضابط المتهم بقتل سيد بلال ايضا رسالة لمن يهمه الامر مفادها ان اللى فات مات وانه هيبنى دولة امنية من الطراز الاول.
9 # احكام الاعدام للاخوان المسلمين هي ايضا رسالة مفادها ان لا مكان للجماعة فى الحياة السياسية فى الوقت الحالى.
10 # التدخل فى ليبيا وسوريا وتونس بشكل مخابراتى كلها رسائل مفادها ان مصر ستراهن على موقعها والتوازن الذى تحدثه فى المنطقة كلها واحتمالية خوض حروب ايضا بنفس الطريقة الامريكية الجديدة "الحرب بالوكالة".
.
